Salchichón artesán - Embutidos Suarna

O salchichón artesán é un dos produtos estrela de Embutidos Suarna, grazas ao seu sabor tradicional e á calidade da carne utilizada para a súa elaboración.

No taller de embutidos artesanais de Embutidos Suarna seleccionan de forma moi exhaustiva a carne de porco que utilizan para as súas elaboracións, conscientes de que só unha excelente materia prima será capaz de cumprir cos seus estándares de calidade. A carne de porco seleccionada (magro e graxa), adóbase con condimentos naturais, coma o sal e a pementa, para despois embutilo en tripas naturais.

Desta forma, coidando cada paso do proceso, conséguese o mellor salchichón artesán. O proceso de curado destes salchichóns faise no obradoiro artesanal que teñen en Navia de Suarna, no que traballan cinco mulleres que se encargan de sacar a produción adiante respectando a tradición e o saber facer das xeracións anteriores.

Cada lisco deste salchichón é un cúmulo de aromas, matices, texturas e sabor que conseguirá trasladarte a outra época e outro lugar, aos xantares compartidos nas casas dos Ancares.

Na ribeira do río Navia, elabora Embutidos Suarna os seus produtos artesanais, apostando por crear postos de traballo no rural, axudando así a fixar a poboación e ao desenvolvemento económico da zona.