Grelo deshidratado - Milhulloa

Este é un dos produtos con máis demanda dos que traballan no laboratorio rural de Milhulloa. Foron pioneiras en traballar o grelo ecolóxico coa técnica de deshidratación, que permite conservalos e telos dispoñibles durante todo o ano.

O grelo ecolóxico é unha verdura de folla verde e sabor algo amargo. Medran da planta do nabo e córtanse cando están a piques de florecer. Por iso, a súa tempada de recolección é nos meses fríos, entre o outono e a primavera.

Este grelo deshidratado ecolóxico dáche a opción de consumilo durante todo o ano sen que teñas que esperar a atopalo nos mercados. Ademais, se vives fóra de Galicia, os grelos poden ser difíciles de atopar. Non terás que buscar máis, xa que nós levámoschos á porta da túa casa.

Utilízao en cocidos, sopas, tortillas ou como guarnición. Será unha excelente fonte de antioxidantes como a vitamina C ou os betacarotenos. Tamén é rico en potasio, calcio ou ferro.

A Ulloa, lugar de onde proveñen estes grelos deshidratados, é unha comarca do interior de Lugo. Grazas ao seu clima húmido e algo frío, decenas de pequenos produtores poden cultivar as plantas de grelos en condicións óptimas.