Andrea González Río é Tropic Gaia, unha moza mariñá que decidiu cultivar a súa propia froita para a elaboración de riquísimas marmeladas con receita tradicional: kiwis, amorodos e physalis, froita tropical que tamén cultiva na Mariña de Lugo. Todo é da súa horta, e sen produtos que poidan alterar a súa calidade!

    Neste momento, Andrea está a experimentar co cultivo natural da pitaya, ou froita do dragón; outra froita tropical que engadir ao physalis.

    Todas as súas froitas son ecolóxicas e non usa no seu cultivo ningún produto artificial. De aí que o seu sabor sexa doce e auténtico, sen ningunha alteración, ao igual que a súa textura, diferente a calquera outra marmelada.