Descripción
O tahín é moito máis que pasta de sésamo, é a base do hummus, o segredo das salsas que acompañan os falafel, o ingrediente que dá profundidade a innumerables pratos da cociña mediterránea e de Oriente Medio. O de Ribeiregas diferénciase das versións industriais nun detalle que cambia o resultado por completo: en lugar de aceites vexetais refinados e de baixa calidade, úsase aceite de oliva, o que lle aporta un sabor máis rico e un perfil nutritivo claramente mellor.
Con só sésamo, aceite de oliva e sal, este tahín ten a transparencia dos produtos que non teñen nada que esconder. Úsase para preparar hummus caseiro, como aderezo de ensaladas e verduras asadas, como salsa mesturado con limón e allo, ou mesmo en receitas de repostería onde o sésamo aporta un toque especial. Un básico da despensa para cociñeiros e cociñeiras curiosas e para quen valora os ingredientes de verdade.
Elaborado pola Cooperativa Ribeira do Navia en Negueira de Muñiz, un territorio de natureza extraordinaria no noroeste da provincia de Lugo. A cooperativa aposta pola elaboración artesanal de produtos con ingredientes de calidade, sen máis procesado do necesario, e con toda a atención que merece un produto feito en pequena escala.
