Descripción
Mexillóns e empanada. Sen dúbida, esta é unha combinación gañadora. Na Panadería Fraga elaboran a masa para esta receita de empanada de mexillóns con fariña seleccionada, fermento, auga e lévedo.
Tras o correspondente amasado e os seus tempos de repouso, introdúcese o recheo, elaborado con mexillóns, cebola, pemento vermello, aceite de oliva e sal. A receita de toda a vida e a elaboración tradicional é a única garantía de que o resultado é unha empanada galega de sabor auténtico e natural.
Para que a poidas degustar na túa casa coa máxima frescura, enviámola recén sacada do forno e en poucas horas estará no teu domicilio.
A empanada normalmente cómese en frío, pero tamén podes enfornala durante uns minutos e servila como un prato quente.
No obradoiro que ten a Panadería Fraga en Palas de Rei levan máis de corenta anos facendo pan e empanadas. Unha experiencia e tradición que conseguen trasladar en cada produto que elaboran.
Reseñas
Aínda non hai valoracións.