Descripción
A caixa individual do Club Son de Lugo é a maneira máis sinxela de descubrir cada mes novos produtos elaborados por pequenos produtores e produtoras da provincia.
Dentro atoparás unha selección sorpresa de 4 ou 5 produtos locais, escollidos segundo a tempada e a dispoñibilidade de cada obradoiro. Pode incluír embutidos, carne, pan, conservas, mel, marmeladas, zumes, cervexas artesás, doces ou produtos frescos.
Cada caixa é diferente. Seleccionamos produtos artesáns, feitos con materias primas de calidade e ligados a un lugar, unha familia e unha forma de traballar. Produtos que poucas veces atoparás nun supermercado e cun valor superior ao prezo da subscrición.
É a opción perfecta para unha persoa que queira probar novos sabores, coñecer pequenos produtores e apoiar outra maneira de producir e consumir.
Que inclúe a caixa individual?
- 4 ou 5 produtos diferentes cada mes.
- Produtos artesáns e de tempada da provincia de Lugo.
- Unha selección cun valor superior ao prezo da caixa.
- Envío refrixerado incluído.
- Adaptación a intolerancias e preferencias alimentarias.
- Subscrición sen permanencia.
A primeira caixa chegará nun prazo aproximado de dez días. Despois recibirás unha nova selección durante a primeira semana de cada mes. Podes cancelar a subscrición cando queiras.
Indícanos durante a compra se non consumes carne, alcohol ou glute, ou se tes algunha alerxia ou intolerancia. Prepararemos a selección tendo en conta as túas necesidades.
Cada mes abres unha caixa distinta. Cada produto permíteche descubrir un sabor, un territorio e as persoas que o fan posible.