Descripción
Hai poucos praceres tan sinxelos coma un bo zume de mazá. Ese sabor fresco, levemente doce e con ese punto natural que non se atopa nos zumes de caixa nin nas versións feitas con concentrado. Este zume de mazá Ribeiregas elabórase de forma artesanal e o produto final reflicte exactamente iso: o sabor da froita ben escollida e ben elaborada, sen nada máis que interfira.
É o acompañante perfecto do almorzo, o refresco natural para quen prefire evitar as bebidas industriais e a opción máis sinxela e honesta para os máis pequenos da casa. Vén sen azucres engadidos, sen conservantes e sen colorantes, o que o converte tamén nun ingrediente cociñeiro moi versátil: base de marinados, ingrediente en salsas ou elemento dalgúns cócteles con moita personalidade.
Producido pola Cooperativa Ribeira do Navia en Negueira de Muñiz, un concello do interior de Lugo con poucos habitantes pero cunha despensa natural extraordinaria. A cooperativa traballa co que ofrece o territorio para producir alimentos artesanais de calidade que poñan en valor o que hai nesta parte do Navia. Disponible en envase de 1 litro e de 500 ml.
