Empanada galega de tenreira - Panadería Fraga

A empanada de carne forma parte da tradición gastronómica lucense. Neste caso, o recheo faise seguindo a receita tradicional, tal como o facían as nosas avoas. Seleccionando sempre carne de tenreira de calidade, só necesita cebola, pemento vermello, aceite de oliva e sal.

En canto á masa, na Panadería Fraga respectan os tempos de fermentación e forneado que este tipo de produto necesita, conseguindo unha masa fina e co sabor que só ten a empanada tradicional.

Enviamos a empanada á túa casa recén feita, para que chegue o máis fresca posible e a poidas degustar tanto en frío como en quente, despois de darlle un golpe de calor no forno durante uns minutos.

A Panadería Fraga leva máis de corenta anos elaborando empanadas galegas e pan no seu obradoiro de Palas de Rei. Unha historia de saber facer e tradición, que ten como resultado produtos de alta calidade e sabor.