Faba Mandilín - Terras da Mariña

As fabas mandilín levan este nome porque o debuxo morado que teñen lembra a un mandil, pero esta variedade tamén se coñece como fabas caparrón ou fabas do bispo. É que as súas características manchas moradas non pasan desapercibidas, do mesmo xeito que o seu sabor, moito máis intenso que o de outras variedades de xudías.

Este tipo de fabas tardan moito en cociñarse, polo que se recomenda un remollo de entre 12 e 16 horas previo ao seu cociñado. Para a súa conservación, pódelas deixar nun sitio fresco, no que non haxa humidade nin lles dea a luz do sol.

A faba mandilín utilízase en potaxes e en estofados nos que as propias fabas son as protagonistas polo seu intenso sabor.

Foron seleccionadas e sometidas a un proceso de conservación sen elementos químicos.

Esta variedade de legume cultívase na Mariña Lucense. Na zona norte da provincia de Lugo dáse un microclima e unhas características da terra nas que se obteñen legumes e fabas dunha calidade excepcional.

Na Cooperativa Terras da Mariña reúnense pequenas marcas produtoras da zona para comercializar os seus produtos baixo uns esixentes estándares de calidade.