As fabas de Lourenzá son brancas, de gran tamaño e de forma arriñonada. Son un tipo de legume moi ben valorada polo seu bo comportamento á hora de cociñala.
Na cocción aguantan a forma sen desfacerse, permitindo a presentación dos pratos coas fabas enteiras. Na degustación, desfanse na boca revelando unha textura mantecosa e unha pel case inapreciable. Aínda que son fabas secas, teñen unha gran capacidade de absorción da auga, superior ao 100%.
Estas fabas de Lourenzá de Mariña Selecta están envasadas nunha embalaxe que facilita a súa conservación. Foron sometidas a temperaturas inferiores a 20 graos durante polo menos 48 horas para asegurar que aguantan máis tempo en perfectas condicións e sen a aparición de gurgullo.
A Faba de Lourenzá plántase nos meses de maio e xuño, para colleitalas desde finais de agosto ata novembro. Estas fabas con Indicación Xeográfica Protexida cultívanse, almacénanse e envasanse na Mariña Lucense, unha zona cunhas condicións de clima e de terra ideais para cultivar este tipo de legumes cunha calidade excepcional.
Están comercializadas pola Cooperativa Terras da Mariña, con sede en Lourenzá e formada por socios e socias de diferentes concellos do norte da provincia de Lugo.
Calificación Comentarios (0)