En Son de Lugo seleccionamos as mellores materias primas e produtores da provincia de Lugo para achegarchos á túa casa da forma máis cómoda. Nesta selección non podía faltar este corte da cadeira da tenreira de Asgafon, que ten o mellor sabor e toda a calidade da carne da montaña da Fonsagrada.
Esta peza de cadeira de tenreira procede de animais criados en liberdade, de entre 8 e 10 meses de idade, que son alimentados dunha forma totalmente natural e saudable, co leite das súas nais e outros alimentos como patacas e remolachas.
Todo este esforzo e coidado na cría dos seus animais válelle á Asociación de Gandeiros A Fonsagrada o Selo de Tenreira Galega Suprema para toda a súa carne.
A cadeira é unha carne tenra, zumarenta e con sabor, ideal para preparar á prancha, á grella ou en receitas máis elaboradas de carne en salsa ou guisos. Ademais, esteas onde esteas, o teu pedido chegarache fresco e nunhas condicións óptimas, xa que envasamos toda a carne ao baleiro e enviámoscha en transporte refrixerado. Se non queres preparala inmediatamente despois de recibir o teu pedido, podes conxelala sen problema na mesma bolsa hermética en que a enviamos.
A carne de tenreira de Asgafon procede na súa totalidade da comarca da Fonsagrada, unha zona coñecida pola calidade e sabor auténtico da súa alimentación tradicional.
Calificación Comentarios (0)