En Son de Lugo seleccionamos os mellores produtores e materias primas da provincia de Lugo para achegalas á túa mesa. Este redondo de tenreira procede de tenreiras de entre 8 e 10 meses, criadas totalmente en liberdade e alimentadas como se fixo xeración tras xeración: con produtos naturais. coma o leite materno ou o pasto dos prados da Fonsagrada.
Esta forma de entender a gandería permitiu aos socios de Asgafon contar co selo de calidade de Tenreira Galega Suprema.
O redondo de tenreira é ideal para preparar en salsa, ao brandy, asado ou estilo rosbif. Acompáñao dunha deliciosa guarnición de puré de cabaza, verduras cocidas ou patacas panadeiras e non necesitarás máis para ter un prato apto para os comensais máis esixentes. Ademais enviámoscho envasado ao baleiro, en bolsas aptas para conxelar.
A nosa prioridade é que os produtos cheguen á túa casa nunhas condicións óptimas, polo que prestamos moita atención á forma de envío. O teu pedido irá sempre nun transporte refrixerado con control de temperatura.
Desfruta do pracer de comprar en liña! Asgafon cría os seus tenreiros na comarca da Fonsagrada. Simplemente, a mellor garantía de calidade.
Calificación Comentarios (0)