A picaña de tenreira é unha peza de carne que destaca pola tenrura que lle proporciona a capa de graxa que posúe nun dos seus laterais. É un corte procedente da cadeira, unha zona realmente tenra, e as súas características convértena en ideal para ser preparada á brasa ou ao forno.
Enviámosche a peza envasada ao baleiro, polo que poderás conservala sen problema durante unha semana na neveira. Ademais se queres prolongar a súa duración podes conxelala. Este tipo de carne de tenreira non perde propiedades nin sabor no conxelador.
En Son de Lugo preocupámonos por seleccionar as mellores materias primas e produtores da provincia de Lugo, para facerchos chegar á túa casa da forma máis cómoda e con total seguridade. Coidamos os nosos envíos para que recibas a carne nunhas condicións óptimas, por iso utilizamos sempre transporte refrixerado e con temperatura controlada.
A picaña de tenreira ten o selo de Tenreira Galega Suprema, garantindo a orixe do produto (nado, criado e sacrificado en Galicia) e unha cría natural, feita polos gandeiros e gandeiras de Asgafon con mimo e dedicación ao coidado dos animais. A comarca da Fonsagrada presenta as condicións ideais para esta filosofía de cría tradicional e en liberdade dos animais. Un paraíso natural que se converte nunha garantía total de calidade!
Calificación Comentarios (0)