Filetes de contra de Tenreira - Asgafon

Seleccionados da zona da cadeira, babilla, contra ou tapa, estes filetes de Tenreira Galega Suprema son pezas magras e limpas, sen nervios.

Unha carne exquisita que procede de tenreiros que se crían en liberdade e aliméntanse de forma natural nos montes de A Fonsagrada. Esta cría tradicional ten como resultado unha carne na que a graxa está infiltrada e non acumulada, o que lle achega un excelente sabor.

A certificación de Tenreira Galega Suprema garante que a carne fresca de tenreira procede de animais de entre 8 e 10 meses de idade, nados e criados en Galicia.

Enviamos os filetes de tenreira envasados ao baleiro, polo que, sen abrilos, aguantan na neveira durante uns días. Pero se non os vas consumir nos días posteriores a recibir o teu pedido, pódelos conxelar tal cal os enviamos.

Recibirás o teu pedido en transporte refrixerado, con temperatura controlada en todo momento, para garantir que estes filetes de tenreira chegan á túa mesa nunhas condicións óptimas.

Os socios e as socias de Asgafon teñen as súas explotacións gandeiras nos montes de A Fonsagrada. Son familias que desempeñan un papel fundamental no desenvolvemento da zona e para o mantemento dun rural vivo e cheo de oportunidades.