Lista de produtos da marca Melosa Mel de Montaña

MELOSA MEL

Mel dos ancares

SOBRE NOSOTROS

Mel Melosa está formado por unha familia de Trabado que, por motivos laborais se mudou a Becerreá.

Polo 2018, o preocupante estado das alvarizas (chamadas cortíns nesta zona) que foran dos seus antepasados e onde no seu tempo houbera colmeas, Hugo, un dos integrantes desta familia, decidiu restauralas xunto cun cabano de pastoreo que estaba ao lado. Colocou alí colmeas e creou a marca Melosa. Recibe este nome debido a que antigamente na zona de Trabado había moito oso.

O seu proceso é totalmente artesanal: para acceder ao cortín unicamente se pode ir en tractor, xa que ata se cruza un pequeno río; empregan fume con follas naturais para danar menos as abellas; déixanlles moito mel durante o inverno porque é duro; cambian as ceras de forma moi escrupulosa facendo que as abellas dispoñan de cera renovada todos os anos... Unha boa mostra de que o entorno é privilexiado, e do bo trato que teñen as abellas é a escasa mortaldade que teñen (en torno a un 2%), algo que lles permitiu crecer axiña pasando en 3 anos de 6 a 130 colmeas.

O proceso de extracción do mel faise en frío, para non danar o mel e deposítase 25 días nun bidón, nunha sala con deshumidificadores e comezan a envasalo.

As abellas atópanse inmersas en plena natureza, sen tráfico nin contaminación, nin pesticidas e realízase un proceso no que se coida a calidade ao máximo.

As abellas extraen o mel principalmente da floración da uz, da carqueixa, do castaño, das silvas e tamén do melato de carballo. O máis característico deste mel é que, pese a ser un mel de montaña e de cor negro, ten un sabor moi doce, á vez que intenso, e non é nada amargo como ocorre con outros meles de montaña con presenza da uz.

NUESTROS PRODUCTOS

Mostrando 1-1 do 1 produto (s)
Produto engadido á lista de desexos

Utilizamos cookies propias para o correcto funcionamento da web e do seu servizo. Os de terceiros para coñecer mellor o tráfico da nosa web.