Adega Sidrón é unha pequena adega familiar situada en Pieiga, Negueira de Muñiz, e dentro da futura Indicación Xeográfica Protexida "Terras Do Navia". Herdamos os viñedos centenarios da nosa familia e estamos en pleno proceso de recuperación. Recuperamos as castes autóctonas da nosa zona (Branca legítima, verdello branco, verdello tinto, tinto sorodo e mencía) coas que elaboramos os nosos viños.

     Somos Rosa e Javier Sanromán e decidímonos a poñer en valor o noso viño no ano 2013, cuns resultados moi bos. A Indicación Xeográfica Protexida Terras do Navia abrangue a cunca lucense do alto Navia e pertencemos á Rede Natura 2000 e á Reserva da Biosfera Río Eo, Oscos e Terras de Burón. O noso é un viño atlántico con aroma a tradición e raíces do Navia.